一向出名論盡嘅楊思琦，之前試過拍戲受傷兼整親頸，全身都有唔少舊患，佢噚日喺微博又貼咗一對腳出嚟，見佢小腿又紅又腫，思琦妹留言話因為前一晚喺澳門演出時，唔小心喺樓梯碌咗落嚟，佢形容對腳腫到好似「豬蹄」咁，但思琦妹竟然冇即時求醫，反而忍住痛返到香港屋企先醫肚食消夜，思琦妹話雖然全身痛到想暈，但堅持唔想去急症室喎。