蓋鳴暉上禮拜五、六舉行咗兩場演唱會，兩晚都吸引到唔少粉絲捧場，全場爆滿。今次演唱會係盛世天戲劇團第二個重頭演出，第一晚就演出蓋鳴暉經典戲寶之夜，第二晚就係當代紅伶粵曲唱腔演唱會。蓋鳴暉喺今次演唱會中仲破天荒同陳好逑合唱，加上一生配五旦嘅新穎配搭，即時令觀眾大感新鮮，更令粉絲們聽出耳油。