繼老三陽之後，銅鑼灣再有老字號俾人迫遷！今次嘅苦主，係喺羅素街屹立咗15年嘅大上海鐘錶（圖）！路邊社八卦友同華華講，迫遷就梗o架喇，但至弔詭嘅係，大上海個老闆，喺差不多夠期嗰陣畀定張cheque個業主諗住續租，但個業主完全冇反應，最後個老闆係睇報紙先知自己個舖位俾人搶咗！認真慘情！
咁邊個承租咗呢個時代廣場對面嘅羅素街58號地舖呢？就係LVMH集團旗下嘅鐘錶店，月租140萬，呎租成3415蚊，家仲成為全港最高呎租嘅舖王呢！
咁大上海點算呀？個老闆唔想多年心血化為烏有，嗱嗱臨租咗利園山道5號地舖，月租18萬，呎租129蚊，比舊舖平咗64%，雖然新舖個位人流一定冇以前咁旺，但熟客應該唔介意行過一個街口啩！