甄子丹的姨仔汪圓圓和「玩具大王」蔡志明獨子蔡加讚拍了幾個月拖，已經去到見家長階段。蔡太李蕙莉前晚在灣仔出席保良局晚宴，透露見過汪圓圓，她說：「有見過，蔡生都見過。」可喜歡汪圓圓做未來新抱，她說：「仔大仔世界，個仔鍾意最緊要，（同我）有偈傾就得。」有否催婚？蔡太說：「有排啦，佢（兒子）得20幾歲，仲細個。」提到大女蔡加敏上月誕下孖仔，蔡太開心說：「改咗名喇，係爺爺嗰邊改嘅，叫馬瑋禧、馬誠禧，家加敏坐緊月，佢餵人奶，唔諗住擺滿月，會擺百日宴，公公錫到燶。」採訪、攝影：顏英儀
