繼電視廣告「明智投資學『問』為先」，證監會近排又搞咗個金融常識問答比賽「『資』識擂台」，旨在幫啲投資者加深了解市場上嘅產品有咩規管，亦都推廣吓證監會對投資者嘅新保障措施。
證監會主席方正（圖）喺新聞稿度，叫投資者喺做投資決定之前，要作出適當嘅提問，主題同電視廣告一樣，都係一個「問」字。今次個問答比賽，初賽吸引咗599人次參與，之後舉行淘汰賽，剩番6個人參加噚日嘅總決賽。有咩獎？冠軍可以攞到3萬蚊現金獎，亞軍就有1萬蚊，季軍亦有5000蚊。
華華提議證監會，下次再搞類似嘅問答比賽，如果想增加吸引力，不如好似遊戲節目《撳錢》咁，畀市民可以成家人或者成班朋友睇住電視、揸住remote咁參與，最後贏到錢嘅話就大家一齊去慶祝！