乜打職業棒球都要戴黑超o架咩？咪懶型喎！睇真啲，原來唔戴眼鏡玩先最危險，事關呢隻《MLB11》實情支援3D高清顯示，同時仲須要配合PSMove嚟玩，視覺有3D、操作有體感，逼真程度隨時好似自己落場玩咁刺激。不過，當你打出全壘打嗰陣，切忌將Move棒大力掟落地走位呀！
除咗《MLB11》，嚟緊22號SCE仲會推出《PSMoveHeroes》，呢款遊戲以結合三大經典角色為賣點，雖然同樣玩體感加動作，但花臣更多，例如你可控制掟回力鏢，以及保齡球嘅方向，甚至可拎住唔同武器怒劈嘍囉！呢隻Game還具備中文介面顯示，有提示教路，爆機都容易啲啦！
記者：陳國輝
攝影：林栢鈞
Model：A.Lin
