英超球星俾人嘅印象係個個都係暴發戶，不過當中亦有例外，好似曼聯中場拿尼同佢女朋友丹莉娜（圖）咁，原來好慳儉。喺葡萄牙出生但8歲就移居英格蘭嘅丹莉娜，最近接受《世界新聞報》訪問時就話，由於佢同拿尼都出身寒微，所以只會應使則使。到今時今日，佢哋最鍾意買超市嘅減價貨品，又會喺服裝連鎖店買衫。丹莉娜仲話，佢哋慣咗一買嘢就會大量入貨，貪有折扣喎。