日本發生大地震同海嘯為金融市場帶嚟震盪，港股上禮拜五最多跌超過500點，收市跌幅收窄，都唔見365點，不過當晚花旗股市反覆上升，今日港股或可反彈。
日本係全球重要嘅經濟強國，發生大地震同海嘯造成好大嘅經濟損失，經濟同貿易活動亦會受衝擊，不過往後亦會有好多重建嘅機會，唔會完全係負面，至於短線對環球市場嘅影響，最緊要係睇資金流向，避險資金流入嘅市場就係短線嘅投資機會。
中海發展C輪29179：中海發展（1138）上日報收8.74元，跌1個位，全日大部份時間上升，算係幾強勢，大市若反彈，中海發展應該會升多啲，上破位處9.47元嘅50日線之後，將推向10.38元，可以諗吓隻C輪29179。
隻輪現價20.8仙，2012年8月30日到期，行使價9元，溢價26.8%，引伸波幅55.4%，槓桿率4.2倍（有效2.5倍），正股升上10.38元，29179睇31.8仙，正股跌穿8元就沽咗隻輪。
俊樺