去年底生咗BB嘅女星孟瑤，日前嚟咗香港為BB打防疫針，噚日佢喺中環同傳媒見面，佢話：「每兩個月就要嚟香港一次同BB打針，係頻撲啲，但都好，因為我好掛住香港。」問孟瑤點解唔喺香港定居？佢話老公同奶奶會掛住BB，所以唔得喎。孟瑤原本想喺三月補擺喜酒同幫BB搞百日宴，但因時間太逼，所以兩餐喜酒會押後至八月先擺。