球王比利最近難得嚟港，好可惜同佢一齊共事紐約宇宙隊嘅大帝簡東拿，喺新加坡站後因事返回美國，冇隨隊嚟香港。簡東拿喺小弟少數欣賞嘅曼聯球員，當然同佢本身係法國人有關，雖然佢代表國家隊嘅表現毀譽參半，但都具備法蘭西瀟灑一面，更難得就係佢識得急流勇退；幫曼聯贏過聯賽、英足盃冠軍後就心滿意足，開展人生另一事業，好似踢沙灘足球，又踩入演藝界，家就做埋足球會管理層。
人總要知足，球隊相信都係，伯明翰贏咗英聯盃之後，應該心足，無謂再喺英足盃浪費彈藥，留力聯賽專心護級好過，保頓聯賽位置安全，一條心打盃賽，信得過。
牽牛
星期六14
伯明翰vs保頓
心水：保頓（平）
心得：伯明翰捧咗英聯盃應該心足啦