日本噚日發生8.9級大地震，引發嘅海嘯冲走好多汽車同埋房屋，場面真係好恐怖。令我即時諗起，喺幾年睇過嘅日劇《救命病棟24小時》第3輯，故事以東京發生大地震為背景，講飾演急診室醫生嘅江口洋介同松琼菜菜子，點樣喺艱難嘅環境同有限嘅資源下去救人。我仲好記得最尾嗰集，江口洋介透過利用神戶發生大地震後頹垣敗瓦嘅相，同埋災後重建嘅相，嚟勉勵班醫護人員同埋其他人一齊努力。希望日本可以喺今次大地震，盡快恢復過嚟啦！
今晚英足盃曼聯大戰阿仙奴，兩隊嘅近況都麻麻，不過，呢場波紅魔有主場之利，而且近呢幾年又食住兵工廠，所以睇高紅魔少少，一於撐佢哋贏波入4強。
青蛙仔
星期六43
曼聯vs阿仙奴
心水：曼聯（上）
心得：紅魔呢幾年都食住兵工廠