陳慧琳不幸小產，家庭醫生關嘉美表示小產的原因有很多，很難確定主要原因，至於小產後如何調理身體，關嘉美說：「其實飲食照番正常就OK，冇話特別要去食啲任何嘢。」她指出小產後的女性，於下一次來經便可再接受人工受孕，不過她表示現時病毒甚多，所以奉勸一眾孕婦於懷孕期間，到多人的地方一定要戴口罩、勤洗手，因為有些病毒會導致小產。
有婦科聖手之稱的何永超醫生表示，孕婦懷孖胎小產的機會較高，他說：「懷孖胎因為增長快，子宮負荷唔到都可以係一個原因，而母親年紀大嘅小產率亦都較大。」何醫生指出小產後的女性於身心康復後，可再接受人工受孕。
「家人關懷好重要」
臨床心理學家葉妙妍表示孕婦小產後，需要一段時間去接受事實，她說：「呢個時候屋企人同朋友嘅支持、關懷好重要。」至於是否適合重新投入工作，她說：「有啲人會覺得有工作寄托會分散到個情緒，其實當事人可以做一啲自己鍾意嘅事，去令自己輕鬆啲，例如去旅行。」