潘源良既是講波佬，又是著名填詞人、編導，作品多不勝數，導演過的電影先有《戀愛季節》，言情出色，25年後再有作品《出軌的女人》，當中對女性心理細膩的描述及變化，透徹得令人透不過氣，吳家麗形容潘源良「有個女人心、對女性有慧根，天生為女人而生」。
對於吳家麗的抬舉，潘源良追本尋源可能跟家庭環境有關，他笑說：「家麗問過我細個係點成長，我話爹哋做生意經常早出晚歸，屋企對住全部都係女人。因為屋企冇一個明確嘅男性形象，反而老、中、青嘅女性思想就接觸好多，可能我係一個好觀察者。」由此啟發他了解女性內心的微妙變化。
除了電影，潘源良的詞也以言情為主，不羈的風格為他賺得「浪子」之名，他苦笑說：「對浪子呢兩個字好模糊，我唔介意亦冇得介意人哋咁講。」
「每人都需要愛情」
對於愛情，潘源良打了個有趣的比喻，他笑說：「愛情係每一個人都渴望同需要，有人要多，有人要少，好似飲水咁。你只可以話我比較飲多啲水，但我唔信有人可以唔飲水，我目前有飲緊，愛情對我嚟講係一個支持。」對於李麗珍，他表示並非禁忌之詞，他語重心長說：「唔係唔提得，李麗珍三個字我家咪講囉，只不過做電影宣傳唔想牽涉其他人。」
撰文：何永寧