周秀娜（Chrissie）與詹瑞文前晚在旺角連走兩間戲院，為電影《猛男滾死隊》謝票，Chrissie穿得比平常密實，問她票房多少她才性感現身？Chrissie避談性感話題，只謂因騎馬故要將咪咪收起。
睇好票房過千萬
詹Sir則說看好該戲至少有過千萬票房，問Chrissie屆時如何答謝觀眾？她說：「咁交杜汶澤出嚟，叫佢着泳衣，逼佢着三角褲啦。」有指沒人想看男人，Chrissie說：「送佢兩點畀人睇，好矜貴o架，佢已經結咗婚o架喇。」問Chrissie是否不再行性感才抗拒說此話題？她說：「唔係，唔關事，票房好係最好回報。如果票房好，導演請我哋去陽光與海灘嘅地方，到時可再玩過再拍過囉。」
採訪、攝影：卓寶花