「佢坐監打靶都唔關我事……佢死佢賤。」首被告陳威行的前妻，在案件裁決前接受訪問時表現激動，形容前夫是「仆街」，連累一對子女無面見人。又透露前夫在十多年前因為在內地「媾女」而導致離婚收場。
陳的前妻日前在家中接受本報訪問，她知道記者造訪便表現激動，更多次與前夫劃清界線，「佢啲嘢我唔知，唔使問我」、「你叫佢快啲死，關我鬼事」。對於過去作惡多端的前夫再干犯嚴重罪行而被控，她相信前夫會罪有應得，「法律係公正，佢死佢賤。法庭判佢坐監打靶都唔關我事，呢啲人應該有罪」。
當年「返大陸媾女」離異
陳威行與前妻育有一對子女，據了解，大女現正讀大學，幼子在一間著名男校讀書。陳的前妻批評前夫犯法，嚴重影響下一代，「個老竇咁樣已經好醜……冚邨都知道，啲仔女冇晒面」。提到事件連累子女，前妻哭得歇斯底里地說：「我想去死呀！」、「唔想見到呢個人囉，好恐怖呀！」她說錯不在她和子女，故不會搬屋。
她告訴記者與前夫已十多年沒有來往，「呢個仆街，我同佢冇關係o架喇」，她透露二人離婚全因前夫不忠，「個仆街唔係十幾年前返大陸媾女，點會搞到今日咁樣，快啲死仲好」，她與記者道別前強調：「女人最憎人媾女！」本報記者