熊黛林（Lynn）昨日和郭富城死黨張智霖一齊出席活動，近期鄭秀文許志安公告復合，獲全城祝福，Lynn就含羞表示人人個案不同：「順其自然啦！」看來她和城城的戀情仍未有望全面公開。
熊黛林在台灣趕拍壹電視開台重頭劇《拜金女王》，久未在港出席活動。她昨日和郭富城死黨張智霖，一齊在銅鑼灣為溥儀眼鏡示範，Lynn穿上大露背裙，示範一副價值超過40萬的卡地亞眼鏡。
Lynn透露早前剛放了假去南京，台劇要拍到下月初。她早前在微博發脾氣，盛傳是她和男主角吳建豪鬧不和，因而不快在微博吐苦水，她昨日否認說：「冇！唔係為男人，都唔係現場所有工作人員嘅事，唔係乜嘢緊要事，只係一剎那、嗰一刻嘅事，嗰時發燒，唔舒服，覺得唔開心，所以寫出嚟，後來放假見吓屋企人，心情都靚番晒喇！」她強調和吳建豪合作愉快。
談男友含羞答答
男友城城早前讚她性感又感性，Lynn聽罷面紅尷尬，不停儍笑：「好耐喇，我唔識回應，咁任何人有人讚都開心。」問城城可是她眼中最性感？她說：「舞台上最性感，男人要有自信。」
近期許志安、鄭秀文（Sammi）公開復合戀情，獲全城祝福，問她倆可會都公開，Lynn面紅說；「點講呢，唔會特登咁樣，每個人性格、情況唔同，我唔會專登去講囉，順其自然啦，不過我都會祝福佢哋。」
Chilam除衫嚇老婆
同場張智霖（Chilam）沒有特別照顧城城女友，問他是否叫Lynn做阿嫂？他則大反應說：「邊有咁叫，咪叫阿Lynn，佢幾好，真金白銀買演唱會飛捧我場。」記者提醒他，其實應算捧嘉賓城城場，張智霖即說：「吓？唔會啩！」他謂現時操到有七嚿腹肌，將有第八嚿出現，身形是出世以來最fit，但太太袁詠儀（靚靚）就不太受落，每次見他除衫，都大叫「見鬼！」
採訪：GraceHo
攝影：WongWaiHung