以下說話嘅消息來源，主要嚟自藍鑽石太太。佢話日前睇璇美人套《女拳》，驚見有一幕係回憶黃飛鴻年少氣盛，踢完館後酒後失言，間接累人家破人亡。我冇睇套戲，但就咁聽覺得好詫異，因為黃師傅不嬲畀人感覺係直筆甩，無端端加入呢段「過去」認真破傳統。
冇人話粵語片時代由關德興師傅做嘅黃飛鴻，又或者李連杰飾演嘅黃飛鴻係事實，但改時改，除非你改得好過大家心目中嘅舊版本，否則好難令人接受。AC米蘭近一兩年人腳改動好大，部份唔多似樣，連我呢隻AC死硬派都戚戚然，依然眷戀昔年3劍俠、馬仔同埋軍刀在陣嘅AC。不過，紅黑軍歐聯鎩羽專攻聯賽，巴里要做沙包。
藍鑽石
星期日11
AC米蘭vs巴里
心水：AC米蘭勝[-1]
心得：對外唔掂，返國內始終超班