一場金融風暴，令環球市場變天，銀行界自此成為眾矢之的，賓架同監管機構以至政界關係，亦變成水溝油，唔咬弦就預咗。
好似早前有英國報章話，獅子行為咗規避銀行稅同監管要求嘅龐大支出，準備將倫敦竇口搬返香港，雖然立即俾滙控（005）否認，但銀行同監管之間嘅關係，如箭在弦可見一斑。
另一家英資大行渣打（2888），旗下嘅環球企業銀行主管MikeRees，噚日接受《彭博》訪問時，亦再次為賓架抱不平。
Rees直指政客同監管機構，面對失業率上升同社會不穩等矛盾時，將責任全歸咎喺銀行界身上，自己就好似毋須承擔責任。
佢疾呼喺呢場不對等辯論中，業界全無發聲空間，Rees反問：「唔通銀行要繼續遭受呢種不公平嘅責難（disproportionatelyblamed）？」