被情所傷嘅陳豪，頻頻有嘢做，噚日佢喺跑馬地做打吡賽記招司儀，坐住紅色跑車好有型咁出場，可惜香車無美人，佢自嘲話：「畀車我得喇！」對於舊愛廖碧兒原來係玩地下情，佢話：「我冇嘢好講！」佢話睇到安仔同Sammi復合好恭喜佢哋，不過自己就絕對唔會玩復合，佢做晒交叉手咁話：「呢樣嘢未發生過喺我身上，過咗去係另一個開始。」