【本報訊】「寧可信其有。佢話佢有槍，梗信佢啦！」遇事姓李的士司機（圖），揸的士30年首次被劫，事後仍猶有餘悸。李說，賊人雖然沒有亮槍，但為了安全計，只好讓他搶走的士。
李表示，昨晨8時食完早餐後返回車行取車，第一轉便接該名乘客，他於雲漢邨上車，「佢好緊張，催我開車去觀塘差館，好心急叫開快啲」。
他形容該乘客操外省口音，在前往觀塘警署途中，他又聲稱有槍，李說：「我根本睇唔到佢有冇槍，佢咁講我就信佢啦」。
李於翠屏邨被趕下車，稍後接獲警方通知，才知的士在觀塘工業中心對開失事。今次事件他除了受驚，也損失一天的營業收入。
意外現場一名報販指出，出事時很多人在行人路巴士站候車，的士衝上行人路時，途人紛紛走避，情況非常混亂，該報販說：「聽到聲好似撞車，見到有架車行過，有兩、三個人碌低，架車就唔見咗嘞。」其後才發現肇事的士在附近失事鏟上石壆。