幾多歲適宜遊行抗議示威，各行各界反應不一：
八十二歲阿伯（他自稱是真正八十後）：所謂三歲定八十，三歲已經夠班，想當年我們八歲，打日本鬼子，已經識飛。
港孩：媽咪，遊行勿預我，我行行吓，鬆了鞋帶，誰替我綁？
騰雞家長：周日去抗議？你明玩我，阿仔晨早開始上大提琴、跆拳道、法文班。下午操水，傍晚補習老師上門操試題。九點鐘趕不趕得切飛車落雪廠街？唔去，點拿到OLE額外分數？
將軍澳童黨：係咪有六千元派先？八歲，點都應該拿到一半。
八十後：八歲開始遊行，到我們這把年紀，經驗老到，身經百戰，應該好硬淨，唔怕「浮腰」！
「滯英」學生哥：八歲已經試過胡椒噴霧的滋味，有了免疫，明年可以送個小朋友過來寄宿了，就算希斯魯機場似集中營，都衰唔過中環政府山。
大學校長：小弟八歲已經出來行，見識大場面。可憐我們的尖子大學生，十八歲了，還未開竅，迎新營搞埋那些低俗玩意，睇到我眼火爆，真想對準他們「隊」胡椒噴霧！
一哥卡達菲：香港仔，超矜貴。在利比亞，八歲，做硬我們的砲灰，死十次都唔掂！