巴西森巴嘉年華對巴西人嚟講，就好比中國人嘅農曆新年，係一個非常重要嘅節日，但咁啱喺每年3月頭舉行，同歐洲球季嘅時間撞到正，所以「細哨」朗拿甸奴以前喺巴塞隆拿同AC米蘭效力時，去親巴西嘉年華都要偷偷摸摸，返到嚟俾球會罰錢。
今年呢位前巴西國腳完結歐洲之旅返巴西發展，效力法林明高，令佢可以攞正牌參加由3月5號至9號舉行嘅森巴嘉年華，可以喪玩幾晚，唔會再好似以前咁俾球會紀律處分，可以名正言順同啲性感嘅森巴女郎合照（左圖），兼盡情咁放聲高歌（下圖）㖭！
我求大俠奉勸「細哨」玩時玩，記得要做足安全措施，如果唔係，下年森巴嘉年華隨時多咗十個八個「小細哨」陪佢一齊慶祝呢個節日。