李嘉欣和許晉亨的兒子JaydenMax（JM），昨日剛滿一個月大。李嘉欣昨日在家炮製七彩蛋糕為兒子慶祝，她指坐完月後，首要是兩母子一齊剪髮。榮升媽咪後，嘉欣感受良多，並謂將成立JMJ基金，幫助中國兒童教育，至於小JM的百日宴禮金，會全數捐出做善事。
上月8日，李嘉欣以40歲高齡為夫婿許晉亨剖腹誕下兒子JaydenMax，許家小王子小JM轉眼昨日滿月，李嘉欣昨在家中首次抱住囝囝小JM一同出鏡，愛上微博的她更上載了照片跟網友分享，她說：「滿月了！代小JM許願：希望媽咪的肥肉全轉到我身上！」李嘉欣又親自設計了七彩蛋糕，用糖霜和蠟燭砌出JaydenMax的名字，為兒子慶祝，更謂「沒有一雙巧手，但很享受（設計蛋糕）過程！」
已改中文名等拍板
李嘉欣昨日接受訪問，透露剛坐完月，已經想好兩母子一同慶祝的活動，她說：「第一件事係兩個人一齊剪頭髮，過幾日啦，到時我會keep起小JM一小撮頭髮留念。我總係覺得佢每日都唔同樣，見住佢，日子真係過得好快。」嘉欣指家中備有多部相機攝下JM照片，包括出浴照。
有仔萬事足的嘉欣笑言只有一個月人仔的JM，已學識扭計，表情多多，她抱住小JM親親時，小JM居然識用手撐住，似乎要推開太熱情的媽咪。至於兒子改中文名的事，她說：「原則上已經定咗，係J（指許晉亨）爭取到改名權，但要等爺爺最後拍板。」
「孕育生命唔簡單」
李嘉欣又透露因兒子的關係，決定成立一個JMJ基金，她說：「自從生咗、做咗媽咪之後，更有一番體驗，覺得孕育生命係好唔簡單嘅事，除咗想小朋友健康成長，培育子女成才更加重要，所以我哋會成立一個基金，係幫中國同香港嘅小朋友，提供教育上嘅幫助，希望令佢哋都得到足夠嘅教育。」她指會為小JM搞百日宴，並呼籲一眾親朋好友不要送禮物，改為折現做善事捐給基金。
採訪：林妙萍
