周柏豪早前與陳山聰疑為爭奪賭王三房千金何超雲而在微博展開罵戰，陳山聰近日更被指為大贏家，卻因拋棄拍拖10年的女友Ponny被封「新賤男」。周柏豪昨日拒絕批評陳山聰的事，認為自己相當無辜並自動認輸，跟超雲劃清界線：「一向都係普通朋友。」
周柏豪昨日於尖沙嘴出席活動擔任頒獎嘉賓，早前有指他和陳山聰為爭奪賭王三房千金何超雲而展開罵戰，早前超雲22歲生日又自爆收到J君送的心形蛋糕和99支玫瑰，有指此人正是洋名Joel的陳山聰，柏豪寸爆揶揄拜山才會買花，似與陳山聰針鋒相對。
不問世事避嫌
直至近日盛傳陳山聰將超雲追到手，變相成輸家的柏豪昨日拒絕提及關於陳山聰的事，連對方因被指拋棄拍拖十年的未婚妻Ponny、令她返回公屋而被封為新賤男，柏豪也不願去回應，他說：「我都係啱啱同事畀本雜誌我睇先睇到，先知佢有個咁耐嘅女朋友。唔會去評論人哋嘅事，再評論又會關我事，太複雜啦，我已經喺樹度匿埋一邊，都有啲成績。」柏豪又一再強調自己無辜，他說：「由一開始到家好多嘢都唔係事實，我都冇追過超雲，成件事影響咗好多人，好想真係唔關自己事。」
認窮拒黐金糠
至於同樣被冠為千金殺手，對此柏豪說：「有錢過我嘅人真係唔好行埋嚟啦，會成為被寫嘅目標，但我自己咁窮，身邊有錢過我嘅人都好多。」至於會否與超雲劃清界線，他說：「一向都係普通朋友，只係過時過節祝賀吓，事情發展到咁都冇辦法。」可有覺得被陳山聰借上位時，周柏豪說：「唔諗呢啲咁高深嘅嘢，我只想靠自己嘅歌去感動人而唔係靠緋聞，我會由得佢順其自然，好快會淡忘。」
此外，賭王三太陳婉珍昨晚到養和醫院時，被問到女兒超雲傳和陳山聰拍拖，三太一臉懶理說：「唔知呀我！」採訪：王崇穎
攝影：黃偉雄