【本報訊】平等機會委員會主席林煥光昨日狠批政府財政預算案選擇性派發6,000元現金「未經深思熟慮」、措施把新移民拒諸門外是「增加社會矛盾和分化」，他又為facebook反對派錢給新移民群組的言論表示痛心，直斥設立群組的人「唔知係唔係心態有問題」。
林煥光昨日出席婦女動力基金的活動，回應政府以居港七年為界線決定派錢對象時稱，「用呢樣嘢去分完全唔makesense、毫無意義」；新移民既然選擇香港作為他們的家，政府就不應因他們未住滿七年的技術因素而把他們拒諸門外，新移民婦女照顧家庭，又參與勞動性工作及義工，亦是對社會的貢獻，政府應有長遠目光，「唔好斤斤計較」。
林煥光對於社交網站歧視新移民的言論表示痛心，激動地說︰「想問返，你哋嘅父母、祖父母，係咪個個都喺香港出世？你係唔係永世都唔會移民？當年如果人哋係咁對你哋父母、祖父母，你會點？」他認識一位新移民，為傷殘人士親力親為提倡改善社區無障礙設施，林煥光怒斥網民沒有深入了解新移民：「佢哋覺得新移民嚟分身家、攞着數，唔知佢哋係唔係心態有問題，係唔係應該反思吓？」
網站歧視群組再現
婦女動力基金行政總監杜潔麗認為不能以交稅金額量度貢獻，「講貢獻，所有政府高官都唔應該攞6,000蚊，因為佢哋最冇貢獻」。
社交網站facebook群組「新移民冇得拎六千蚊，這是永久居民獨有的福利，要有十萬個like俾班新移民睇」，本來有近9萬人「讚好」，群組昨被刪除，有網民即重設兩個類似群組，昨晚分別有逾萬人及近千人加入。兩群組有不少言論歧視新移民，形容新移民是「蝗蟲」、「廢柴」、「呃飯食」等。