阮經天（小天 小圖）性格真係幾反叛，之前佢曾被爆撩的士鬥車，又試過俾鄰居投訴佢太嘈。噚日再有人投訴佢亂咁泊車，有人早前目擊小天將部心愛AudiS3隨意停喺台北市敦化北路紅線區，然後帶住女友許瑋甯行入銀行，10分鐘後先離去。家喺北京為《血滴子》做準備嘅小天，話已經唔記得呢件事，不過佢都有道歉話：「以後會注意。」