【本報訊】當媽媽難，當香港媽媽難上加難。一項調查顯示，奶粉荒已令50%受訪婦女買奶粉時遇到困難，77%認為奶粉價格不合理，57%建議奶粉商設會員制度。有團體稱巡查藥房後發現，部份店舖刻意囤積奶粉，不肯售予本地顧客，「淨係賣畀操內地口音嘅水貨客」。
五成人買奶粉有困難
民主黨葵青區議員王雪盈說，兩年前懷大女兒時已有奶粉荒，美國奶粉缺貨，女兒只好飲用日本奶粉，但因體弱常入院，「醫院主要係提供美國奶粉，佢一返屋企又轉番日本奶粉」，女兒因不斷轉換奶粉影響腸胃。今次奶粉荒再現，她決定給現時三個月大的兒子餵哺人奶，「但市面餵人奶設施好唔夠」。
該黨婦女黨團今年2月訪問了185名家中有兩歲或以下幼兒的市民，主要為女性，50%受訪者表示買奶粉有困難，63%指奶粉缺貨對她們造成影響，77%認為價格不合理。該團副召集人黃琼芳說，最近為家人買奶粉時發現，有藥房刻意不賣奶粉予本地顧客，「一聽本地口音就唔賣，因為賣畀內地水貨客貴兩三成o架」。她認為當局應像對白米般，為奶粉制訂政策，加強巡查防止囤積；消委會也應公佈奶粉價格及貨源是否充足，當局並應加強宣傳餵哺人奶，減少市民對奶粉的依賴。