譚詠麟、鍾鎮濤、杜麗莎（Teresa）、鄧建明（JoeyTang）、林一峰與林二汶昨日到商台，宣傳下月5日在紅館舉行的「VMissYou」演唱會，阿倫表示演唱會為了紀念一位剛去世的結他手JoeyV。
Teresa說：「樂壇大部份歌手都同JoeyV合作過，佢幫過好多演唱會彈結他，當我知道佢意外離世後，就好想幫佢做啲嘢，於是就打畀阿倫，佢一口應承，即刻就籌備呢個演唱會。」
克勤軒仔和應
阿倫說：「之前溫拿喺上海做騷都係諗住同佢合作，點知佢突然唔喺度，我哋好想向佢致敬，佢喺幕後為樂壇付出好多，而且離世太突然，佢好多嘢都冇交代，仲有5個小朋友，最細嗰個得9歲，之前我哋都已經捐咗一啲錢畀佢屋企人，希望呢個演唱會可以籌到錢再幫吓佢哋。」屆時還會有李克勤、林子祥與張敬軒等歌手出席表演。
採訪：胡比
攝影：黃偉雄