安仔與Sammi離離合合幾經波折，終於再走在一起，兩人戀情更獲城中著名相士一致唱好，看來距離修成正果之路不遠矣！
蘇民峰：結婚囗
「安仔嘅桃花年係2010，2011年係佢夫妻宮相冲，容易感情變化，許志安如果照正常結婚運係2012至2013，但今年係Sammi紅鸞桃花年，係一個容易結婚嘅運，所以今年同呢兩年結婚機會都比較大。結婚運唔使兩個一齊有，睇一個人就得o架喇！」
麥玲玲：雙喜囗
「安仔本身命格係天干連兩字，即係話就算拍好耐拖，去到結婚呢步都要分開，先至符合個命格。所以今次復合，再發生另外一段感情嘅話，感情就穩定。Sammi本身個命都係有少少夫妻宮相冲，我睇佢哋結婚最似係2012年，都會係結婚年有喜嘅。」
李丞責：結婚囗
「係咪結婚係同十二地支係循環，相識嗰年係結合年，如果佢哋係十二年或者十年一個循環之後，就能夠相合。（安仔與Sammi於91年拍拖，剛好是兩個循環）一個人38歲之後係睇中庭位，佢哋鼻直，顴骨高，都會係一個幾合拍嘅配合。」
區仲德：結婚囗
「安仔命格屬土，今年行緊兩粒靚星運，叫三台同天解星，所有愛情不如意可以一掃而空，同埋佢今年粒桃花星都比較旺盛。但最主要係鄭秀文，佢命格屬陽水，今年佢有一粒福星同紅鸞星移入夫妻宮，今年農曆8月係兩個結婚佳期，好大機會結婚。」
