亞視嘅資訊節目《四季養生堂》主持陳少霞同姚佳雯，噚日一齊去到沙田一間長者中心，佢哋探訪一班老人家。陳少霞嘅近況就唔係幾好，佢話早前因為甲狀腺出咗問題，病發時搞到雙眼都凸埋，要入醫院做手術，經過手術後，雙眼凸出嘅情況已經改善，但係佢話仲要花多啲時間調理身體，都要一段長時間先可以康復，不過有時間佢都仍然會做吓義工。