呢個世界就係咁，好嘢冇乜人記得，衰嘢就俾人記一世。好似韋根嘅阿曼龍門艾哈比斯（圖）咁，今季佢以保頓借將身份為韋根效力，加上來自足球弱國阿曼聯，喺對曼城之前喺24場聯賽失咗38球，表現不過不失。但佢喺前晚對曼城場英超痾蛋，接唔實大衛施華嘅射門而畀個波漏入自己大細龍門，韋根亦因為佢呢次錯誤以0:1敗走曼城。