位於調景嶺嘅香港知專設計學院有條號稱全港最長嘅室外扶手電梯，被稱為「天梯」，《蘋果》報道過上月24日嗰度發生翻梯事件，三名喺現場嘅學生好彩冇事。事隔個幾星期，條天梯仲未整好，有得睇冇得用，唔怪得被學生形容係豆腐渣天梯。
有人就改編咗本地組合CALLSTAR首《天梯》，改名為《冧天梯》，仲放上YouTube( http://www.youtube.com/watch?v=SSNAxj5eiA4&feature=player_embedded )，諷刺用12億起嘅知專大樓設計荒謬。首歌長四分幾鐘，歌詞到肉，好似「前面有幾高就如絕路......冧梯同時才覺斃」。有幾句就明寸知專高層，「何必造條大道，太長程在三樓也許永通不到，憑高可會成名，歪想充腦......搖曳到冧幾風趣天梯上，同學逐個跌出去」。