【廣州直擊】林峯前晚於廣州舉行《林峯Cometome廣州演唱會》，與大胸女舞蹈員跳辣舞又玩濕身，並帶女歌迷到後台幫他換衫，更牽手唱情歌。不過，林峯唱頭三首勁歌時沒半點喘氣聲，疑似咪嘴，但他否認。
林峯前晚在能容納9,000觀眾的廣州體育館舉行巡迴演唱會，入座率達九成，他照例玩水getwet，但因場館限制取消玩火環節，本來與林峯跳辣身舞的徐子珊缺席，改由美艷女模頂上，其餘女舞蹈員也個個身材突出，跳舞時更不停撫摸林峯胸膛及大腿。然而，林峯甫出場先獻唱三首快歌，其間沒半點喘氣聲，看口形疑似咪嘴。
搵女助換衫
演唱會有送禮環節冧歌迷，林峯先送了一隻錶給一男觀眾，後來請了一名女歌迷到後台替他換衫，之後二人返上台，林峯拖着女歌迷唱情歌，跳舞時以屁股撞她，又將女歌迷的頭硬推落自己胸膛。
其間大班歌迷拿着鮮花及公仔衝到台前，被保安喝止，林峯即緊張說：「冷靜啲，佢哋只係想送嘢畀我，唔係暴動。」然後叫歌迷將禮物拋上台。因歌迷反應熱烈，林峯安哥兩次，又再淋水濕身。
向來疼錫林峯的無綫高層樂易玲也有捧場，慶功宴上，記者問林峯頭三首快歌是否咪嘴，他謂：「我梗係有開聲唱，唔係咪嘴，可能導演知係新歌，音樂開大聲啲。」在獻唱與林峯合作過的女演員的歌曲環節中，偏沒有唱緋聞女友鍾嘉欣的歌，對此林峯說：「仲問呢個？啲歌唔係我揀o架。」
小豬打對台
同晚台灣跳舞天王羅志祥（小豬）也在廣州開騷，其母也有捧場，小豬在台上跳扇子舞，還穿白紗裙獻唱。問林峯怕不怕與小豬比較？他無厘頭說：「我啱啱去完台灣拍MV，好鍾意台灣嘅製作，希望可以交流吓。」
採訪、攝影：曾小嘉
