如無意外，家踢基輔戴拿模嘅舒夫真高（左）將會喺明年以隊長身份帶領東道主之一嘅烏克蘭，出戰歐國盃決賽周，會係佢最後一次參加大賽，之後佢嘅足球事業亦接近尾聲；而「軍刀」亦計劃人生另一個階段，話有意全職打高爾夫球，唔係玩玩吓，係參加職業比賽個隻，睇吓到時會唔會闖事業另一高峯。