【本報訊】「點解阿Sir咁耐都未到，如果我真係拮你，拮死咗你啦」，一名滿身酒氣男子，昨凌晨出現柴灣漁灣邨停車場，亮出利刀向女職員指嚇聲稱打劫，並叫女職員報警。女職員卻通知同事到場，見醉漢持刀揮舞立即報警。事件中無人受傷，警方以涉嫌行劫將醉漢拘捕，並被落案控以行劫罪，今早提堂。
涉案男子46歲姓梁，據稱他住在漁灣邨，並有一部私家車停泊該停車場，昨凌晨1時，梁消遣後飲至爛醉，步履蹣跚走至漁灣邨停車場。他到達二樓收費亭，並手持一柄約一呎長利刀，敲打收費亭玻璃，向職員聲稱打劫。
事主瑟縮收費亭
54歲女職員芳姐，當時坐在收費亭內，據現場消息指，醉漢聲稱「我打劫o架，你報警啦」，芳姐認得他是街坊，見他醉醺醺未知是真是假，因此沒有即時報警，而是用對講機通知同事到場增援。
其間，醉漢在收費亭外徘徊，由於他手持利刀，芳姐縮在收費亭不敢妄動，但醉漢沒有要求芳姐拿出金錢，反而催芳姐報警，「快啲啦，你仲唔報警」，其他職員趕至，見醉漢有刀在手揮舞，他又聲稱打劫，職員馬上報警。
醉漢被捕不反抗
在警員到場前，醉漢似乎等得不耐煩，他又向芳姐催促，「點解阿Sir咁耐都未到，如果我真係拮你，拮死咗你啦」。警員接報到場，了解事件後以涉嫌行劫將醉漢拘捕。
芳姐指出，報警後警員很快趕至，並將醉漢帶走，她被醉漢用利刀指嚇時，未有即時報警，原因是發覺他飲醉酒，不似前來打劫，所以先通知同事。同事擔心她有事，很快便趕來幫手，「如果佢（醉漢）有心傷害我，已（用刀）拮咗我啦」。芳姐又說，她任停車場收銀員，「人工雞碎咁多」，如果真的有賊打劫，定會將錢奉上。
