球員鍾意名車，尤其英超球員，以佢哋嘅超高薪，屋企擺番幾架有何難。阿仙奴中場桑治（圖）同樣係愛車之人，而且仲係倫敦一間名車博物館嘅常客，因為內裏有好多極具珍藏價值嘅名車，都係桑治最鍾意。呢位喀麥隆球星更加同博物館合作，大搞幫助貧困年輕人到博物館工作，自力更生，都算係另類愛車人士。