港股上禮拜升近400點，貼近50日同100日線收市，下個阻力位係23700，相信港股呢個禮拜喺高位會遭遇較大阻力，不過23100水平嘅支持力增加咗，10日線又快將上越20日線現黃金交叉，因此恒指喺幾百點內反覆上落嘅機會好大。
滙控（005）喺100日線樓上整固，暫時唔會大變，支撐大市嘅工作會由內銀股負責。兩會消息備受關注，炒紅籌同國企要望多兩眼。
百麗C輪27472：百麗國際（1880）上日報收14.18元，升3.3%。股價上月份曾試250日線有驚無險，守穩之後重拾升勢，家已經重上100日線樓上，成交亦見增加，睇個勢短線會上試15元阻力，破位睇16元，可以諗吓隻C輪27472。
隻輪現價11.7仙，2011年7月26日到期，行使價15.40元，溢價16.9%，引伸波幅46.5%，槓桿率12.1倍（有效5.4倍），正股升上16元，27472睇21.3仙，正股跌穿13.60元就沽咗隻輪。
俊樺