曼城前鋒巴洛迪利（圖）出道以嚟麻煩新聞唔少，所以形象一般，但原來佢亦好鍾意動物，除咗佢喺意大利養嘅一隻名為「幸運」嘅愛犬之外，亦非常喜愛獅子，紋身上亦有一處為獅子圖案，皆因認為自己有同獅子一樣嘅保護家人嘅精神，如果家人受到傷害，必定好似獅子咁撲向對方還擊，睇嚟狗仔隊會係佢嘅頭號敵人。