韋斯咸近排反彈，搞到領隊格蘭（圖）都做咗搶手貨。有消息話，車路士班主阿巴想搵當年做過佢哋隊波領隊嘅格蘭，返嚟做足球總監，不過佢就俾格蘭請食檸檬。格蘭話好享受成為足球總監，但就更享受成為領隊。另外，佢話好愛韋斯咸，而且同球會嘅職球員建立咗良好關係，所以現階段唔打算離開。咁又係，如果格蘭返咗車仔之後，車仔季尾乜到攞唔到，佢做硬代罪羔羊，所以真係走唔過。