科特迪瓦後衞高路托尼（圖），因藥檢肥佬而被曼城禁止參加任何操練及賽事，阿仙奴領隊雲格，日前就話高路托尼係食錯老婆啲減肥藥而出事，高路托尼日前亦親口承認真係咁。聽聞佢覺得自己好蠢，家陣佢面臨全球性嘅停賽處分，最高會係兩年。好彩佢屋企人，包括一齊效力曼城嘅耶耶托尼，同埋隊友韋拉都好撐佢，雲格更加話肯做佢嘅人格證人，令到佢喺呢次食錯藥事件上唔使孤軍作戰。