我不想隔壁的Keyman以為我存心取笑他，但講到尾，我實在接受唔到佢會答錯「那個球星未穿過曼聯7號球衣？」這條《撳錢》題目。答案有4個揀，C朗、佐治貝斯、奧雲或卜比查爾頓。Keyman揀了奧雲，但是真正答案係（穿9號的）卜比Sir。
自辯以前球衣只有號碼
以專業足球評述員身份答錯這條題目確係笑大人個口，事後他當然臉如灰土。翌日碰頭再提此事，還被工作人員爆內幕，原來這條題目幾個月前試玩時已經問過，他當日一樣答錯，你說好笑不好笑？最慘的是當事人被我們七嘴八舌指指點點之際，一張臉時紅時綠。
也許是專業與尊嚴同時受損，Keyman其後有點發晦氣的跟我說︰「其實以前比賽的球衣只有號碼，唔係跟人，所以冇名，邊個落場就跟位置着，佐治貝斯冇出場，或者佢着過件7號都唔定！」多少有點不忿。作為一個旁觀者，我明白他的感受。
對了，係幾時開始，連聯賽球衣都跟埋人名？誰可以回答我這條問題？記得細個睇足球比賽，只有踢世界盃的國家隊球員的球衣才有球員的名字。我認為那是一種肯定，因為去到國家隊層次，已不是人人都有資格做代表。
以前僅世盃球衣有人名
事實上，我不大接受目前的球衣號碼全跟球員的個人心水，像亨利在阿仙奴年代，由於10號球衣已被伯金所用，他只有改穿14號，即使伯金退役，亨利依舊穿14號，而10號竟然落在打中堅的加拿斯身上，讓人搞糊塗了，為甚麼前鋒會終日鎮守後防？
為球員編號碼是不是純粹球衣生產商的主意，開拓市場的一種策略？還是搞聯賽的生意頭腦，要觀眾覺得那些聯賽的重要性一如世界盃重要，抑或是球員的「me,me,myselfandI」，自我中心情意結作祟呢？
文：盧覓雪