【bma甲組足球聯賽】南華昨午在小西灣運動場上演的甲組聯賽，縱有畢特因傷只做座上客，基士文只踢半場便退下火線，但仍以2:1僅勝公民反壓傑志重上榜首，只是該隊贏波要付出代價，中堅祖爾成為球隊最新「十字軍」成員。
剛在亞協盃分組逼和佩西普拉的南華，昨第3度對公民吸引到近1,500名球迷入場，可是比賽過程不像兩隊早前合演的銀牌決賽般激烈，相信多少與公民收起辛祖及迪天奴等主力有關，加上有足總盃8強再撼南華的後顧，踢來明顯有所保留。
2:1挫公民報仇
陣容不整的南華開賽初藉中場梁振邦的冷箭先開紀錄，但公民隊長法圖斯隨後快射罰球扳平。易邊後，射手基奧雲尼把握公民中堅艾里奧犯錯，禁區轉身射入致勝入球，總算報卻銀牌決賽先勝後敗之仇。南華全取3分後，以34分反先傑志兩分重返榜首，但多打一場，而公民續守在第4位。
南華足主羅傑承賽後表示，由於剛踢罷亞協盃，個別球員是有疲態，故收起陳肇麒及郭建邦，並讓基士文只踢半場：「重返榜首當然高興，下月對傑志的榜首戰才是決定性，但球隊傷兵眾多，今戰又有祖爾肩膀受傷，暫未知其傷勢是否嚴重。」受傷的畢特昨日在廂房觀戰，之後給予羅傑承不少意見，畢特指南華隊形不佳，整體性不足，隊友走位配合太少，而羅生謂將針對問題作出改善。
護級戰晨曦4蛋贈大中
此外，昨晚在九龍灣公園球場上演護級生死戰，晨曦憑巴利上下半場各建一功，加上射手卡爾及高尼路的入球，輕鬆以4:0大勝大中。晨曦全取3分後，以13戰14分留守在第8位，領先大中6分，護級形勢相當樂觀。本報訊
《花絮》
史高斯識擦南華鞋
傷咗一排嘅史高斯同巴西籍太太Aline3周前從巴西返港，佢話本月23號覆診，若醫生批准，佢想本月底重上戰場。噚日喺場邊得個睇字嘅佢話：「你知道睇得唔踢得嘅心情幾難受，作為南華球員我真係覺得好驕傲，好想盡快幫到佢哋踢波。」
公民fans小貓三四隻
公民趁最後一場喺小西灣主場比賽，特設「公民加油」檔口，畀球迷入會，而即日入會嘅會員（年費90蚊）都可獲得一份達112頁嘅球員銀牌紀念相集，5月派發；可惜反應麻麻，得幾個人入會。
畢特撲7欖飛同傑斯睇
因傷缺陣嘅畢特噚日喺小西灣球場變身親善大使，同場邊球迷簽名及合照；呢位英格蘭球星原來都係欖球迷，兩星期前仲同基士文齊齊向香港欖總撲飛，想睇本月底大球場嘅國際7欖賽，欖總嗰邊家陣晒頭，因為波飛早已賣光，要諗辦法幫佢哋辦VIP證，聽講畢特老友傑斯都會一齊睇㖭。