佘詩曼昨晚身穿tubedress現身會展，出席意大利珠寶滙演活動，同場還有警鐘胸JessicaC.、AnaR.及張舒雅等行珠寶騷。阿佘自甩手骱意外後首度出席公開活動，身形更清減了不少，還因而露出胸墊。
最近盛傳阿佘約滿無綫會離巢返內地拍劇，她昨晚有備而來，回應說：「多謝大家關心合約嘅事，TVB係我娘家，好似係我屋企，去到邊都會同TVB保持友好合作關係。」她表示考慮與無綫簽部頭約。
「損失七位數字」
此外，問到她的手部傷勢，她表示：「今日第一日復工，家仲要做物理治療，短期內都唔可以拍打戲。」對於有指她詐病，藉詞辭演梅小青監製的新劇《法證先鋒III》，阿佘即強調：「呢次意外我損失慘重，拍唔到一套明知好收視嘅電視劇，過年登台等工作，損失慘重，應該都有七位數字，你哋唔好再喺我傷口度灑鹽。」
採訪：顏英儀
攝影：陳順禎