睇過奧斯卡金像電影《有你終身美麗》（ABeautifulMind）嘅朋友，對套戲所講嘅傳奇數學家約翰．納殊（JohnNash）（圖）實有印象─佢喺1994年憑博弈論（GameTheory）獲得諾貝爾經濟學獎，但係同時佢亦患有精神分裂症……
點解無啦啦講呢套電影？皆因今個禮拜四，大家可以一睹納殊教授嘅風采！樹仁大學以「SRS動態合作博弈高研平台」嘅名義，請到納殊教授嚟香港開壇，同大家講吓點樣藉「合作博弈商業模式」，解決21世紀嘅眾多經濟問題。
查實納殊教授今次唔係第一次喺香港開壇，2009年，佢亦曾經應理工大學同青年協會邀請，同香港過千名青少年分享自己嘅傳奇故事。當年華華都有慕名去聽講座，而最最最記得嘅，就係佢話《有你終身美麗》裏面講，受金髮美女啟示開創博弈論嗰part，原來係純粹做戲咁做，並唔係事實！