財爺彈弓手，講咗預算案冇乜微調空間，一日唔夠畀禮義廉兇一兇，又派錢又退稅，但政府作為分配資源重要機制，係唔係將錢放喺有用地方，好似回購西隧，等3條隧道格價都可以大眾化，小市民又唔使受塞車之苦，節省嘅時間大大提高成個城市嘅生產力。又好似有機食物家大行其道，其實新界有唔少荒廢農地，政府應該推動本土生產有機農作品。當然作為小市民，有幾千蚊係開心，如果畀兩個選擇，A係派錢，B係入落強積金，我估九成香港人都揀A。
賭波有時得兩個盤，不過要揀啱都唔係易，我之前同同事打賭，話曼聯兩場硬仗失足6分，今仗作客紅軍，用布朗打中堅，點會唔捧利物浦。
牽牛
星期日15
利物浦vs曼聯
心水：利物浦（下）
心得：曼聯用布朗，真係戥佢驚