馬會噚日宣佈，港鐵行政總裁周松崗獲馬會董事局補選為新任董事，接替剛滿70歲而退任嘅布魯士（IainBruce）。作為馬會最高決策機關，董事局家除咗主席施文信之外，已經全部係華人；兩年後施文信退任，如無意外會由副主席葉錫安頂上，到時馬會董事局應該變成全華人班子。為表揚本身係資深馬主嘅布魯士嘅貢獻，馬會董事局選佢做名譽董事。至於60歲嘅周松崗，04年開始做馬會會員，08年成為遴選會員；馬會嘅新聞稿仲特別提到，周松崗擁有英國頒授嘅爵士勳銜。