今年剛好18歲，夠資格領取6,000元，但嚴敏華仍很不滿預算案。她說：「成個預算案好有問題，派咁多錢，點解唔增加教育資源？」就讀中七的她，面對巨大的高考壓力，她的同學都為爭取入讀大學弄至身心俱疲，她質疑政府為何不增加大學學位。
「點解派畀李嘉誠？」
「未夠秤」的同學望錢興嘆，紛紛「媽媽聲」，嚴敏華認為，即使求學階段的學生一樣對社會有貢獻，18歲不是一個公平的界限。她說：「身邊好多同學都要兼職掙錢，而一啲過咗18歲嘅大學生，好多都從來冇做過嘢。」
生於小康之家，嚴敏華一家五口，父母連她一共可獲一萬八千元現金。她認為，這筆錢用作援助貧窮學生更加有用，「好多窮學生，買唔起電腦、冇錢參加興趣班，想脫貧都冇機會，點解六千蚊寧願派畀李嘉誠都唔派畀佢哋？李嘉誠起咁多發水樓，對社會又好有貢獻咩？」
嚴敏華覺得，6,000元現金最終還是回到大財團的手上，「家個市場俾大財團壟斷晒，嗰六千蚊最終咪又係使喺大財團嘅商店度，地產霸權嘅局面始終都冇變」。
另一位中學生、13歲的Donald，自問沒有資格拿取6,000元，他說：「因為我真係冇乜實質貢獻，不過好多18歲以上嘅學生對社會都冇乜貢獻。」但他今天依然打算上街。他解釋：「呢六千蚊似賄賂多啲，想我哋唔出聲，但係好多社會問題都未解決，例如貧富懸殊。」