iPad2下周五率先在美國面市，但蘋果今次一改之前iPhone系列和第一代iPad做法，不接受機迷預訂，估計當天勢必造成通街長龍等買iPad2。排隊買得心頭好還好，但香港機迷暫時無隊排，因為iPad2在香港暫未有開賣日期。至於水貨iPad2最快於下周六空運抵港，料售價將炒高近倍達7,500元至逾萬元。
第一代iPad減價23%
香港蘋果發言人表示，iPad2下周五先在美國開售，隨後於本月25日在歐洲、日本、澳洲、新西蘭等26國出售，香港則暫未有開賣時間及售價。
新iPad上場，舊iPad即時冧價。本港蘋果網上商店昨日即時減價，減幅最高達23%，原價3,888元的16GBWi-Fi版，減900元售2,988元。
先達商場的G-WorldMobile手機店負責人劉志剛指，公司積壓逾百部iPad仍未發售，蘋果突劈價售賣第一代，公司慘賠10多萬元；而回收價更急跌六成六只得2,000元，「iPad早輪回收價都有3,000蚊，iPad2售賣消息傳出，回收價一直跌，跌到家只值2,000蚊，遲啲仲會跌多啲」。
劉志剛強調，「做生意有賺有蝕」，公司睇好iPad2水貨巿道，美國本月11日開售，已派專人到當地排隊買機，即晚乘機回港，首批水貨最快本月12日售賣，最多有50部，八成屬3G版。
他說，預料首批iPad2水貨價可炒高近倍，由7,500元至逾萬元不等。「第一批最好賣嘅當然係64GB嘅3G版，家已經有十幾個客訂咗。水貨價要到行貨嚟到先會回落，根據過去經驗，蘋果行貨最快要三個月先嚟得到，仲有排炒。」
本報記者