【本報訊】預算案惹強烈民憤，影壇大哥大洪金寶也按捺不住怒火，前晚出席一公開場合時，炮轟特區政府沒正視市民的需求，只懂得向地產商輸送利益，又建議高官們到越南難民營生活三個月，感受民間疾苦。
「唔知佢哋做過乜」
過往罕有月旦時事的洪金寶起初表示不談論預算案，因為氣憤難平，結果連珠炮發：「唔係淨係嬲財爺，我嬲香港嗰三大巨頭，我都唔知佢哋為咗香港市民做過啲乜！」洪金寶提到港府沒有搞好醫療津貼、老人津貼及讀書津貼，連最基本的房屋問題也一塌糊塗：「應該起多啲居者有其屋，唔係批啲地畀商人去起屋呀！冇錢？不如買架印銀紙機自己印銀紙就得啦！」洪金寶越罵越火滾，覺得假如還有越南難民營，應該叫高官入住三個月，領取時薪28元的最低工資，感受民間疾苦。
3月6日會否上街遊行？洪金寶打趣說：「我唔會，我行唔郁啦。」他表示雖然自己可負擔醫療費，身邊很多人卻有需要：「我住喺上水每日經過鄉公所，每朝早都見到好多老人家排隊，就係為咗一盒飯盒咋。你睇香港政府邊一隻眼睇過香港居民需要啲乜嘢？個個講就好聽滿口仁義道德，上知天文下知地理，做出嚟乜嘢都唔得！」他又笑言假若做官，必然會拉很多人去槍斃。