官恩娜同電影《東風破》導演麥婉欣再合作幫服裝品牌KOOKAI拍咗一段8分鐘宣傳片，入面官恩娜同8嚿腹肌舞蹈員男主角EG勁親密，又錫又攬，仲俾佢舞來舞去，官恩娜就用大髀夾住EG個頭。噚日官恩娜喺銅鑼灣行騷時話：「真係好親密，個重要部位好近，我都好尷尬。」佢仲話同男友都唔會咁樣跳來跳去，今次同人咁親密所以佢都報定案先。